【你要膠布嘛？】
話說噚日，我去藥房幫肥媽買藥。
個叔叔入去後面配藥房拎住四盒藥出嚟，幫我拆包裝盒期間，佢隔鄰個大叔同事忽然大叫：「嘩～你做乜呀你？」
阿叔同我一齊望佢自己隻手，原來佢有隻手指甩咗塊皮，傷口有啲血滲出嚟！
我即時回應：「嘩！你要唔要膠布呀？我呢度有呀！」(隨即喺我個手機套準備拎塊膠布出嚟！)
隔鄰大叔同事好驚訝，笑得勁燦爛：「膠布？我哋藥房大把喎！」
阿叔都好意外，笑住話：「唔駛喇！都唔知幾時到？」
我笑住回應：「我知你哋大把！但我方便啲，即時有吖嘛！唔駛你哋特登去摷！」
阿叔好感動話唔該我，不過冇因為咁收平我！
(註：肥媽食開嗰隻抗血小板藥每盒$275(14粒)，除盒優惠平$30。)
Search